Новое на сайте

თბილისში, სანზონაში, გურამიშვილის გამზირზე, წუხელ ლიფტი ჩავარდა. მე-10 სართულიდან ლიფტი მოწყდა მაშინ, როცა ლიფტში 6 ახალგაზრდა იმყოფებოდა. შემთხვევის ადგილზე პოლიციის თანამშრომლები, მაშველები და სასწრაფოს ბრიგადები მალევე მივიდნენ. როგორც კორპუსის მაცხოვრებელი “კვირის პალიტრას” განუცხადა, საბედნიეროდ, ყველა მათგანი გადარჩა. ისინი კლინიკაში გადაიყვანეს. “ერთ-ერთი კორპუსის მესამე სადარბაზს მე-10 სართულიდან მოწყდა ლიფტი, რომელშიც 6 ახალგაზრდა იმყოფებოდა. 16-17-18 წლის ბავშვები არიან დაშავებულები. სატვირთო ლიფტია და თავისუფლად შეიძლებოდა იქ 6 ადამიანი შესულიყო, რომ არ გაჩნდეს ამ კუთხით კითხვა. ნაწილი “ჯერარსის” კლინიკაში გადაიყვანეს, დანარჩენები მე-8 საავადმყოფოში. მთავარია, რომ ყველანი ცოცხლები არიან და კარგად არიან. შოკიდან ვერ გამოვდივარ, ძალიან განვიცადე. წარმოუდგენელია, ქვეყანაში ყველაფერი საშიში როგორ ხდება, ასე გაგრძელება არ შეიძლება, ვიღაცა ხომ უნდა ამოწმებდეს ლიფტებს. ადამიანების უსაფრთხოებაზე დღეს არავინ ფიქრობს”, – ამბობს ადგილობრივი. “ერთს აქვს ფეხი მოტეხილი, კლინიკაშია. სტუმრად იყვნენ მეგობართან ბავშვები და რომ ჩამოდიოდნენ, მაშინ მოწყდა უცებ ლიფტი, საბედნიეროდ ცოცხლები არიან და გადარჩნენ”,- ამბობს კიდევ ერთი ადგილობრივი. როგორც გაირკვა, „ჯერარსის“ კლინიკაში ორი ახალგაზრდა შეიყვანეს: “გუშინ 00 საათსა და 14 წუთზე ორი პაციენტია შემოყვანილი, 19 წლის ცოტნე ჯ. და 16 წლის ალექსანდრე თ., ორივე პაციენტი შემოყვანილია 112-ის მიერ. ცოტნე ორივე ქვემო კიდურის არეში უჩიოდა ტკივილს. ანამნეზი ესეთია, რომ სამგზავრო ლიფტში იმყოფებოდნენ, მოწყდა ლიფტი და ორივე პაციენტმა მიიღო დაზიანება. რა თქმა უნდა, ჩაუტარდათ კვლევები. ცოტნეს მუხლის რენდგენოლოგიური გამოკვლევა ჩაუტარდა, რადგან ზურგის არეში, უკანა მხარეს აღნიშნავდა ტკივილს. კვლევის შედეგად დაზიანება არ იყო. კონსულტაცია ჩაუტარა შესაბამისი პროფილის ექიმმა, ტრავმატოლოგმა და გაეწერა სახლში. რაც შეეხება მეორე პაციენტს, ეს არის არასრულწლოვანი, ტკივილს აღნიშნავდა წინა მხრის არეში, თავი არ დაუტყამს, თუმცა თავის არეშიც მსუბუქი ტკივილი აღენიშნებოდა. პაციენტს თავის ტვინის კომპიუტერული კვლევაც ჩაუტარდა. ნევროლოგის მიერ შემოწმდა, ტრავმატოლოგმაც შეაფასა და პაციენტი სტაბილური მდგომარეობით, დაზიანების გარეშე გაეწერა კლინიკიდან. არც ერთ პაციენტთან მწვავე მოტეხილობა და დაზიანება, არც ორგანული, არც ტრავმატოლოგიური არ ყოფილა”, – განაცხადა გადაუდებელი დეპარტამენტის მიმართულების ხელმძღვანელმა თეა მესხიძემ. მოგვიანებით განცხადება გააკეთა პირველი საუნივერსიტეტო კლინიკის ექიმმა, ლალი ტურძელაძემ, რომელმაც აღნიშნა, რომ არც ერთი ახალგაზრდა არ რჩება კლინიკაში და ყველა გაწერილია. რომ მათ აღენიშნებოდათ პატარ-პატარა დაჟეჟილობები. “სამი პაციენტი იყო და სამივე გაწერილია, რადგან სერიოზული დაზიანება არ ჰქონდათ, მხოლოდ პატარ-პატარა დაჟეჟილობები აღენიშნებოდათ”, – განაცხადა ლალი ტურძელაძემ. კვირის პალიტრა

თბილისში, სანზონაში, ერთ-ერთ საცხოვრებელ კორპუსში ლიფტი ჩაწყდა. შემთხვევის დროს ლიფტში 6 ადამიანი იმყოფებოდა. დაშავებულები სასწრაფო სამედიცინო დახმარების ჯგუფებმა კლინიკებში გადაიყვანეს. პირველადი ინფორმაციით, მათ კიდურების მოტეხილობები აღენიშნებათ. დაშავებულთა შორის ერთი არასრულწლოვანია. როგორც ადგილობრივები ამბობენ, ლიფტი მეათე სართულიდან მოწყდა და პირველზე შეჩერდა. შემთხვევის ადგილზე იმყოფებოდნენ სახანძრო სამაშველო სამსახურის, სასწრაფო სამედიცინო დახმარების ჯგუფები და სამართალდამცველები. 

ქობულეთის შემოვლით გზაზე ავტოსაგზაო შემთხვევა მოხდა. ერთმანეთს ორი მსუბუქი ავტომობილი შეეჯახა. „აჭარა თაიმსის“ ინფორმაციით, ავარიის შედეგად ერთი ადამიანი დაშავდა. ფაქტზე შინაგან საქმეთა სამინისტრომ გამოძიება დაიწყო.

ვრცელდება ხელვაჩაურში მომხდარი ავარიის უმძიმესი კადრები, რომელსაც 5 წლამდე ბავშვი ემსხვერპლა – ვიდეოს “TV პირველი” ავრცელებს. ცნობისთვის, აჭარაში, ფრიდონ ხალვაშის ქუჩაზე მომხდარი ავარია დიდი ტრაგედიით დასრულდა – მას 5 წლის სანი ცეცხლაძის სიცოცხლე ემსხვერპლა. ასევე, სხვადასხვა სახის დაზიანება მიიღო კიდევ სამმა ადამიანმა, რომლებიც კლინიკაში გადაიყვანეს. დაშავებულებს შორის არიან გარდაცვლილი ბავშვის მამიდა, მამიდაშვილი და მამიდის დედამთილი. როგორც ირკვევა, მამიდას ძმისშვილი სახლში მიჰყავდა და ყველანი ერთად ფეხით გზაზე გადადიოდნენ, როცა მათ მიკროავტობუსი დაეჯახა.მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. მედიაში გავრცელდა ინფორმაცია, რომ თითქოს დაშავებული იყო ბავშვის დედა, თუმცა ოჯახის ახლობელმა ეს ფაქტი ჩვენთან საუბარში უარყო და გვითხრა, რომ ბავშვის დედა ტრაგედიის ადგილას საერთოდ არ იმყოფებოდა და ბავშვი მამიდას ჰყავდა. “ბავშვის დედა იქ არ იყო ამ უდიდესი ტრაგედიის დროს. ბავშვი იყო მამიდასთან ერთად. თვითონ მამიდა 5 თვის ორსულია, მამიდას და მამიდის დედამთილს ჰყავდათ თან ორი ბავშვი, სანი და მისი მამიდაშვილი. ყველანი ერთად გზაზე გადადიოდნენ, იმ გზაზე ზებრა არ არის და მათ მიკროავტობუს დაეჯახა. გამოძიებით გაირკვევა, რა მოხდა, მაგრამ ეს რას შეცვლის, 5 წლის ბავშვი დაიღუპა და დიდი უბედურება ტრიალებს ცეცხლაძეების ოჯახში. მშობლები განადგურებულები არიან. შეიძლება, დიდი სისწრაფით მოდიოდა მძღოლი და ვეღარ შეძლო მიკორავტობუსის გაჩერება. რა პატარა აღმოჩნდა ჩვენი საყვარელი სანის ცხოვრების გზა. საოცარი ბავშვი იყო. მისი ღიმილი არ დაგვავიწყდება არასდროს. როგორ მენანება ეს პატარა ანგელოზი. ისეთი საყვარელი ბავშვი იყო, ყველა უყვარდა, ციმციმა თვალები ჰქონდა, ისეთი საყვარელი და ღიმილიანი ბიჭი იყო, მხიარული, ცელქი. არ ვიცი რა ვთქვა, მიჭირს ამის ახსნა. ბავშვის მამიდას თავზე აქვს ტრავმა, ყველაზე მძიმედ არის მამიდის დედამთილი, მას ერთი ოპერაცია ჩაუტარდა და ამბობენ, რომ კიდევ დასჭირდება მეორე ოპერაციის ჩატარებაო”, – ამბობს ოჯახის ახლობელი ჩვენთან საუბარში. ადგილობრივების თქმით, ტრაგედიის ადგილი და მიმდებარე ქუჩა ძალიან სახიფათოა და თურმე იქ ხშირად ხდება ავტოსაგზაო შემთხვევები. “სადაც ტრაგედია მოხდა, იქვე ახლოს ვცხოვრობ, მაგრამ ძალიან ემოციური ადამიანი ვარ და ახლოს მისვლა ვერ შევძელი. საუბედუროდ, დაღუპულია პატარა ბიჭუნა. ძალიან ცუდი ადგილია. ზოგადად მთლიანად ფრიდონ ხალვაშის ქუჩა, თავიდან ბოლომდე მოსაწესრიგებელია, არც ერთ ადგილას არ არის წესიერად ზებრა გადასასვლელი გაკეთებული, არც შუქნიშანია წესიერად და არც გზის ბარიერები, რომ მანქანებმა ნელა იმოძრაონ. ეს აუცილებლად მისახედია და ამიტომ ხდება ამდენი ავარიები. გადასასვლელთან იქვე მოსახვევია და დიდი სისწრაფით რომ მოდიან მანქანები, მძღოლები საჭეს ვერ იმორჩილებენ. სხვა დროსაც ბევრჯერ მომხდარა ამ მონაკვეთში ავარიები. ზუსტად არ ვიცი, რა იყო ამ დიდი ტრაგედიის მიზეზი, მაგრამ ასე თქვეს – მიკროავტობუსის მძღოლს მუხრუჭმა უმტყუნა და საჭე ვერ დაიმორჩილაო. საუბედუროდ, ბავშვი ადგილზე დაიღუპა. ასე გაგრძელება არ შეიძლება. ფრიდონ ხალვაშის ამხელა ქუჩაზე მხოლოდ ერთი-ორი შუქნიშანი რატომ უნდა იყოს? ისიც ნახევრად გამორთულია. რაღაც ზომები უნდა მიიღონ, რომ ქუჩაში გადაადგილების არ გვეშინოდეს. ბავშვებს სკოლაში მარტო ვერ ვუშვებთ სწორედ ამ სახიფათო გზების გამო. ან პატრული დადგეს, ან შუქნიშანი გააკეთონ, რამე ზომები უნდა მიიღონ, რომ გადაადგილება უსაფრთხოდ შევძლოთ. ეს ამბავი დღისით მოხდა, მაგრამ ღამითაც სასწაული ხდება, გარე განათებებიც საერთოდ არ არის და ადამიანი რომ გადადის გზაზე, მძღოლისთვის რთული აღსაქმელია… ეს არის ერთ-ერთი მთავარი და გრძელი სატრანსპორტო არტერია, რომელიც ქალაქის ცენტრალურ ნაწილს ხელვაჩაურის დასახლებასთან აკავშირებს და მეტი ყურადღება უნდა გამოიჩინოს ხელისუფლებამ, რომ მსგავსი ავარიები აქ არ ხდებოდეს… სამძიმარს ვუცხადებ პატარას ოჯახს. მართლა უდიდესი ტრაგედიაა” – ამბობს ადგილობრივი. რა გახდა ავტოსაგზაო შემთხვევის მიზეზი, ამას სამართალდამცავები დაადგენენ. ერთ ერთი ვერსიით, მიზეზად მანქანის გაუმართაობა დასახელდა, კიდევ ერთი ვერსიით – სიჩქარე. ამბობენ, მგზავრები ჩამოსვა მძღოლმა და დაძვრის დროს რაღაც მოხდა და ვეღარ დაიმორჩილა მიკროავტობუსიო. მძღოლს ვიცნობ, კარგი ადამიანია, მაგრამ ამ უბედურებისგან არავინ არ არის დაზღვეული. თავს არ აპატიებს ამ ამბავს. წარმომიდგენია, რა დღეში იქნება ის, თუმცა გარდაცვლილის მშობლებზე მძიმე მდგომარეობაში არავინ არის დღეს. ძალიან დიდია მათი ტკივილი და სიტყვები არ მაქვს. მშობლებს შვილი არ უნდა უკვდებოდეს”, – ამბობს კიდევ ერთი ადგილობრივი. ამ ვერსიას კიდევ ერთი ადგილობრივი ადასტურებს. “ჩემი მაღაზიის წინ მოხდა უბედურება…მძღოლმა გააჩერა, მგზავრები ჩამოვიდნენ და დაძვრისას რაღაც მოხდა და საჭე ვეღარ დაიმორჩილა. მძღოლი იქვე ჩაბარდა პოლიციას”, – გვითხრა ერთ-ერთმა ადგილობრივმა.

ვრცელდება უმძიმესი კადრები ვარკეთილიდან – ერთმანეთს 8 მანქანა შეეჯახა. არსებული ცნობით, მოძრავი ავტომობილი პარკინგზე მყოფ მანქანებს დაეჯახა. წინასწარი ინფორმაციით, სხეულის დაზიანება არავის მიუღია.

სოხუმიდან უმძიმესი ავარიის სათვალთვალო კამერის ჩანაწერი ვრცელდება. კადრებში ჩანს, რომ მანქანების შეჯახების შედეგად, მგზავრი მანქანიდან გზაზე ვარდება. მედიაშ გავრცელებული ინფორმაციით, ავტოსაგზაო შემთხვევის შედეგად 2 ქალი დაშავდა, რომლებიც საავადმყოფოში გადაიყვანეს. ავარია მიმდინარე წლის 25 სექტემბერს მოხდა. მომდარზე დაწყებულია გამოძიება.

გადაცემაში „ნოესთან“ ჯანეტ ქერდიყოშვილი ტრაგიკულად დაღუპულ დაზე საუბრობს. მისი თქმით, მის უფროს ქალიშვილს ანნას, მასთან მისტიკური კავშირი აქვს. „ანეტკაზე საუბარი, ზოგადად, არ მიყვარს, არ მიყვარს და ვერც ვსაუბრობ. რადგან ეს თემა ჩემთვის რთულია, ჩემთვის და ჩემი ოჯახისთვის ენით აღუწერლად რთული. ის იყო ჩვენთან, სულ რაღაც, 10 წელი. მე და მას შორის ასაკობრივი სხვაობაც 10 წელი იყო. სახელსაც რომ დააკვირდე, დედამ ერთი ასო „ჯ“ მოაშორა და დარჩა ანეტა. ამ გადმოსახედიდან რომ ვუყურებ, თითქოს, ამასაც ჰქონდა რაღაც თავისი დანიშნულება. როდესაც ის ჩვენ ის უბედური შემთხვევის გამო დავკარგეთ, ის დარჩა ჩვენი ოჯახის მფარველ ანგელოზად, ჩემი პირადი მფარველი ანგელოზი იყო. ანგელოზი, რომელმაც იქიდან წამომიყვანა, როდესაც ურთულეს დაავადებას ვებრძოდი. მაგ პერიოდში, მესიზმრებოდა, ჩემი საუბრები მქონდა, ჩემი დაავადებაც 1 წლის თავზე იყო. ღმერთს მადლობა, რომ ჩვენ ეს დავამარცხეთ, მაგრამ იმ პერიოდში, თითქოს ჩემს თავსაც ვადანაშაულებდი, რომ თითქოს, მე უნდა დამმართნოდა რაღაცა და მან თავის თავზე აიღო. მოდი, ისიც ვახსენოთ, თუ როგორი კავშირი აქვს ჩვენს უფროს შვილს, ანნას მასთან…“, – ამბობს ჯანეტ ქერდიყოშვილი. ნოე სულაბერიძის თქმით, ეს ამოუცნობი და მისტიკურია. „ანა ხშირად ამბობს ასეთ რამეს, რომ ხანდახან ანეტას ესაუბრება. არ ვიცი, იმ შთაბეჭდილებების ქვეშაა რომ ერთხელ ჯანეტმა ანეტას შესახებ მოუყვა დაწვრილებით და მას ეს შთაბეჭდილება დარჩა. მას ვერ ხედავს, მაგრამ რაღაცნაირად აღიქვამს და ესაუბრება. ეს განსაკუთრებულად ემოციურია. ვცდილობ ხოლმე ჩავეკითხო, რაღაცებს მეუბნება, მაგრამ თემა გადააქვს“, – ამბობს ნოე სულაბერიძე. ჯანეტ ქერდიყოშვილი: იმ დღეს, ჯერ ანნა ჩაჯდა მანქანაში, ერთ 5 წუთში მე და მეუბნება, აი, ჩვენ ახლა მოვრჩით ამოცნობანასო. უცებ ვერ მივხვდი, ვისზე საუბრობდა. რაღაცას მე ვიგონებდი და მერე ის მპასუხობდაო. არსებობს, მართლა არსებობს ის, რასაც ჩვენ ვერ ვხსნით.

ბათუმში, ფრიდონ ხალვაშის ქუჩაზე მომხდარი ავარია დიდი ტრაგედიით დასრულდა – მას 5 წლის სანი ცეცხლაძის სიცოცხლე ემსხვერპლა. ასევე, სხვადასხვა სახის დაზიანება მიიღო კიდევ სამმა ადამიანმა, რომლებიც კლინიკაში გადაიყვანეს. დაშავებულებს შორის არიან გარდაცვლილი ბავშვის მამიდა, მამიდაშვილი და მამიდის დედამთილი. როგორც ირკვევა, მამიდას ძმისშვილი სახლში მიჰყავდა და ყველანი ერთად ფეხით გზაზე გადადიოდნენ, როცა მათ მიკროავტობუსი დაეჯახა. “ბავშვი იყო მამიდასთან ერთად. თვითონ მამიდა 5 თვის ორსულია, მამიდას და მამიდის დედამთილს ჰყავდათ თან ორი ბავშვი, სანი და მისი მამიდაშვილი. ყველანი ერთად გზაზე გადადიოდნენ, იმ გზაზე ზებრა არ არის და მათ მიკროავტობუსი დაეჯახა. ბავშვის მამიდას თავზე აქვს ტრავმა, ყველაზე მძიმედ არის მამიდის დედამთილი, მას ერთი ოპერაცია ჩაუტარდა და ამბობენ, რომ კიდევ დასჭირდება მეორე ოპერაციის ჩატარებაო”, – ამბობს ოჯახის ახლობელი “კვირის პალიტრასთან” საუბარში. ადგილობრივების თქმით, ტრაგედიის ადგილი და მიმდებარე ქუჩა ძალიან სახიფათოა და, თურმე, იქ ხშირად ხდება ავტოსაგზაო შემთხვევები. “სადაც ტრაგედია მოხდა, იქვე ახლოს ვცხოვრობ, ძალიან ცუდი ადგილია. ზოგადად მთლიანად ფრიდონ ხალვაშის ქუჩა, თავიდან ბოლომდე მოსაწესრიგებელია, არც ერთ ადგილას არ არის წესიერად ზებრა გადასასვლელი გაკეთებული, არც შუქნიშანია წესიერად და არც გზის ბარიერები, რომ მანქანებმა ნელა იმოძრაონ. ეს აუცილებლად მისახედია და ამიტომ ხდება ამდენი ავარიები. გადასასვლელთან, იქვე, მოსახვევია და დიდი სისწრაფით რომ მოდიან მანქანები, მძღოლები საჭეს ვერ იმორჩილებენ. სხვა დროსაც ბევრჯერ მომხდარა ამ მონაკვეთში ავარიები. ზუსტად არ ვიცი, რა იყო ამ დიდი ტრაგედიის მიზეზი, მაგრამ ასე თქვეს – მიკროავტობუსის მძღოლს მუხრუჭმა უმტყუნა და საჭე ვერ დაიმორჩილაო. საუბედუროდ, ბავშვი ადგილზე დაიღუპა. რაღაც ზომები უნდა მიიღონ, რომ ქუჩაში გადაადგილების არ გვეშინოდეს. ბავშვებს სკოლაში მარტო ვერ ვუშვებთ სწორედ ამ სახიფათო გზების გამო. ან პატრული დადგეს, ან შუქნიშანი გააკეთონ, რამე ზომები უნდა მიიღონ, რომ გადაადგილება უსაფრთხოდ შევძლოთ. ეს ამბავი დღისით მოხდა, მაგრამ ღამითაც სასწაული ხდება, გარეგანათებებიც საერთოდ არ არის და ადამიანი რომ გადადის გზაზე, მძღოლისთვის რთული აღსაქმელია”, – ამბობს ადგილობრივი. რა გახდა ავტოსაგზაო შემთხვევის მიზეზი, ამას სამართალდამცავები დაადგენენ. ერთ-ერთი ვერსიით, მიზეზად მანქანის გაუმართაობა დასახელდა, კიდევ ერთი ვერსიით – სიჩქარე. “ამბობენ, მგზავრები ჩამოსვა მძღოლმა და დაძვრის დროს რაღაც მოხდა და ვეღარ დაიმორჩილა მიკროავტობუსიო. მძღოლს ვიცნობ, კარგი ადამიანია, მაგრამ ამგვარი უბედურებისგან არავინ არის დაზღვეული. თავს არ აპატიებს ამ ამბავს. წარმომიდგენია, რა დღეში იქნება ის, თუმცა გარდაცვლილის მშობლებზე მძიმე მდგომარეობაში არავინ არის დღეს. ძალიან დიდია მათი ტკივილი, სიტყვები არ მყოფნის. მშობლებს შვილი არ უნდა უკვდებოდეს”, – ამბობს კიდევ ერთი ადგილობრივი. ამ ვერსიას კიდევ ერთი ადგილობრივი ადასტურებს. “ჩემი მაღაზიის წინ მოხდა უბედურება… მძღოლმა გააჩერა, მგზავრები ჩამოვიდნენ და დაძვრისას რაღაც მოხდა და საჭე ვეღარ დაიმორჩილა. მძღოლი იქვე ჩაბარდა პოლიციას”, – განაცხადა ერთ-ერთმა ადგილობრივმა. წყარო: კვირის პალიტრა

თბილისში, ნაძალადევის რაიონში ხანძარი იყო. ცეცხლი გიორგი ვენეცკის ქუჩაზე, ერთსართულიანი, ხის კონსტრუქციის სახლს გაუჩნდა. როგორც „პრაიმტაიმს“ საგანგებო სიტუაციების მართვის სამსახურში განუცხადეს, ამ წუთებში, ხანძარი ლიკვიდირებულია. შემთხვევის შედეგად არავინ დაშავებულა.

ავტოავარია მოხდა ხელვაჩაურში – ქვეითებს მიკროავტობუსი დაეჯახა, რის შედეგადაც 5 წლამდე ასაკის ბავშვი დაიღუპა. ავარიის შედეგად 3 პირი დაშავდა, რომლებიც კლინიკაში არიან გადაყვანილი. დაშავებულებს შორისაა ავარიის შედეგად დაღუპული ბავშვის დედა. მძღოლი გადაყვანილია პოლიციის განყოფილებაში. მიმდინარეობს გამოძიება.